موضوع: قصيده عن الأب الثلاثاء 20 مايو 2008 - 21:49
ضاق الفضا فالعين لو قيل مـا قيـل ......... الكون ضيـق مـن جنـوب لشمالـه وكل العرب لو وقفـت عنـدي بحيـل .....أنا أشهـد ان فالنـاس مابـه بدالـه البارحه قبـل العشـا بـأول الليـل ........حان القدر والمـوت نـوخ رحالـه وعقب السوالف والفـرح والتعاليـل ..........رحل (عزيز النفـس) عنـا لحالـه تبسم ومن بسمته شفـت انـا الويـل ...........كنـه يقـول العمـر قفـا مجـالـه واقفا وهـي اقفايـةٍ تكسـر الحيـل .........وكان القـدر للـروح يفتـل حبالـه وقدام عيني ما روى راعـي القيـل ........... يومـه تنحـر للنصيـب وعنـالـه وجيته وانا فالحـال فـزاع وأشيـل ..........مرعـوب والله كاتـبٍ مـا بـدالـه بين الكفوف القلب من داخلـي غيـل ..........والدمـع يـذرف بالمحاجـر همالـه مصدق.. مكذب.. ومرتاع.. وإذليـل ........صدمه ومنها صرت فالحـال حالـه وياحرق قلبي حرق صفر المعاميـل ...........علـى لهيـبٍ زاد فيهـا اشتعـالـه انا اشهد ان الموت فرقـا الرياجيـل ........ وانا اشهد انه جـرح ينـزف لحالـه وكـل الدمـوع مغرقـات المناديـل .........ما فـادت البكـاي فـي راس مالـه مؤمن واعرف الموت حقٍ على الجيل .......... ولا من يـدوم الا الله جـلَ جلالـه لا شك حب (ابوي) مـا فيـه تبديـل ........وافراقه اصعب ما قـدرت احتمالـه الطيب في دمـه بـ(عينـه) وتحليـل ....... وايضا النقـا فـي ركعتـه وابتهالـه وعلـى كتـاب الله يسهـر بترتيـل .......وآيات ربـي هـي مجـال انشغالـه وعلى لسانه صـار للذكـر تأصيـل ........ولا ينشغل وشلـون ينمـي ريالـه أدعي له المعبـود مـع كـل تهليـل
........... يـا الله يــا الله تلـطـف بحـالـه يـا الله يـا الله توفـي لـه الكيـل ...........وتثبتـه بالحـق سـاعـة سـؤالـه وتجعل له بجنـات عـدن المداهيـل ........ ويا الله مع الأخيـار تكتـب مجالـه وانا بعيش العمـر وانظـم مواويـل ........وأبعتبـر نجـواي لأجلـه رسـالـه ولو الشوارع وقفـت وأظلـم الليـل .......بأهجر جميع النـاس واقعـد اقبالـه مع (سبحته) (سجادته) دلة الهيل..مع صورته في غرفته في إحلاله
Admin Admin
عدد الرسائل : 613 العمر : 51 تاريخ التسجيل : 24/03/2008
موضوع: رد: قصيده عن الأب الثلاثاء 20 مايو 2008 - 21:55
الثلاثاء 20 مايو 2008 - 21:49
